Алхам 1: Судлах асуудлаа тодорхойлно.

Байгууллагын соёл ба жендэрийн мэдрэмжийг дараах 2 хувилбараас аль нэгийг  нь сонгон тодорхойлох дасгал ажиллана.

Хувилбар 1: “Хофстидийн сонгино хальслах” аргаар байгууллагын /сургууль, цэцэрлэг/ жендэрийн эрх тэгш байдал, мэдрэмж, соёлыг тодорхойлох дасгал ажиллах

Ажиллах аргачлал:

• Оролцогчид дараах зургийг сайтар ажиглана.
• Асуудал бүрийг хальс гэж үзэн байгууллагынхаа жендэрийн эрх тэгш байдалд 1-5 оноогоор үнэлнэ.
• Шалгуур үзүүлэлт бүрд өгсөн оноо, яагаад ингэж үнэлснээ тайлбарлан ярилцана.
• Багаараа ярилцан жагсаан бичсэн асуудлаас сургалтын хөтөлбөрт жендэрийн эрх тэгш байдал, мэдрэмж, соёлыг хэрхэн тусгасан байдлыг онцлон шинжилгээ хийнэ.

Зураг 1: “Хофстидийн сонгино”

Хувилбар 2: Байгууллагын хувьд эрэгтэй, эмэгтэй хүмүүсийн талаарх хэвшмэл ойлголт ямар байдаг талаарх дасгал ажиллах

Ажиллах аргачлал:

• Дараах хүснэгтэд хамт ажилладаг хүмүүс тань эмэгтэй, эрэгтэй хүний ажил, үүргийг юу гэж  боддог талаар бичээрэй.
• Та байгууллага дээрээ жендэрийн ямар асуудлаар санал, хүсэлт тавьж байсан бэ?
• Асуултад хариулж бичээд бусадтай санал хуваалцаарай.
• Дүгнэлт хэсэгт Эрэгтэй, эмэгтэй хүмүүсийн талаарх хэвшмэл ойлголтын юуг өөрчлөх хүсэлтээ бичээрэй.

Дасгал ажлын хуудас татаж авах бол энд дарна уу.