Хүрээлэн буй орчны сайн сайхан нь байгаль дэлхий ба түүний нөөц баялагтай зөв эрүүл харилцаатай байх тухай юм. Дараах зүйлийг багтаан үзэж болно.

• Дахин боловсруулж, хог хаягдлыг багасгаж, эрчим хүч, усыг хэмнэх.
• Байгаль орчны аюулаас өөрийгөө хамгаалах.
• Аль болох алхах, дугуй унах, эсвэл нийтийн тээврээр явах.
• Гэр, оффисоо цэвэрлэж, цэгцэлж, эмх замбараагүй байдлыг арилгах.
• Байгальд цагийг өнгөрөөх.

Хүрээлэн буй орчныг хайрлаж, хүндэтгэхийн зэрэгцээ эрүүл орчинд амьдрах тухай асуудал мөн багтана. Хүний амьдарч буй орчин таны мэдрэмжид ихээхэн нөлөөлдөг. Жишээлбэл, бороо ихтэй, бүрхэг өдөртэй улс орнуудад амьдардаг хүмүүс улирлын чанартай сэтгэлийн хямралд орж, тэдний сэтгэл санаа, нийгэм, оюун санааны сайн сайханд сөргөөр нөлөөлдөг.
Нийгмийн сайн сайхан гэдэг нь хүмүүстэй амжилттай харилцах чадвар юм. Энэ нь бидэнд дэмжлэг, удирдамж өгөх боломжтой харилцаатай байх боломжийг олгодог. Тусалж, дэмждэг нийгмийн хүрээлэл дунд байх нь өөртөө итгэх итгэл нэмэгдэх, хүнтэй харилцахдаа тухтай байхад эергээр нөлөөлнө. Мөн нийгмийн сайн сайхан байдал нь сэтгэл хөдлөлийн тогтвортой байдлыг бий болгоход чухал ач холбогдолтой.

• Өөрийг тань дэмждэг найз нөхөд, гэр бүлийнхэнтэйгээ холбоотой байх.
• Бүлгийн хэлэлцүүлэгт оролцох.
• Клуб эсвэл байгууллагад элсэх.
• Эрүүл мэндийн хөтөлбөрүүдэд хамрагдах.
• Цахим харилцаанаас илүү амьд харилцаанд орох зэргийг багтаан үзэж болно.
• Өөрийгөө хүлээн зөвшөөрч, уучилж сурах зэргийг давтаж болно.