Хүрээлэн буй орчин гэдэг нь дэлхий дээрх бүх амьд биеүүд болон бүх төрлийн амьгүй зүйлсийг хамарсан биет орчин юм. Хүрээлэн буй орчны сайн сайхан байдал гэдэгт цэвэр агаар, тогтвортой уур амьсгал, хангалттай ус, ариун цэвэр, эрүүл ахуй, химийн аюулгүй байдал, цацрагийн хамгаалалт, үрэлгэн биш зөв зохистой хэрэглээ, эрүүл аюулгүй ажлын байр, хөдөө аж ахуйн зохистой дадал, эрүүл мэндийг дэмжсэн хот, суурин, барилга байгууламж бүгд орно.

Нийгмийн орчин бол хүн төрөлхний төрж, өсч, хөгжих орон зай, хүмүүсийн эдийн засаг, боловсрол, соёл, зан заншил, уламжлал, олон нийтийн буюу нийгмийн төрөл бүрийн элементүүд юм. Нийгмийн сайн сайхан байдлыг нийгмийн болон хүрээлэн буй орчны өдөөлтийн хэмжээ, эв санааны нэгдлийн соёлын оршихуй, хүчирхийлэл байгаа эсэх, ялгаварлан гадуурхалт байгаа эсэхээр хэмждэг. 

Нийгмийн болон байгалийн орчин нь хүн бүрт харилцан нийцтэй, тэгш байх ёстой. Хүрээлэн буй орчинд амьдардаг сая сая зүйлийн амьдрал, амьдрах орчныг хүндэтгэх боломжтой бөгөөд харилцан хамааралтай байдлаар нийгмийн сайн сайхныг бий болгох нь чухал байна.

Хувийн болон нийгмийн харилцаанд хүлээцтэй байдал, зэрэгцэн оршихуй, хүндэтгэл, эв нэгдлийн уур амьсгал давамгайлах нь маш чухал юм. Хүн төрөлхтөнд тулгараад байгаа хүчирхийлэл, аюулгүй байдал, үл тэвчих байдлын өнөөгийн уур амьсгал нь хүний эрхийг үл хүндэтгэх, хувиа хичээх, хийрхэлээс үүдэлтэй байдаг.