Хариуцлагатай хэрэглээ: Хэрэглэгчид эрхээ ухамсарлахын зэрэгцээ бүх нийтийн таатай орчныг бүрдүүлэх, байгаль орчинд хамгийн бага нөлөөлөлтэй хэрэглээг сонгож, дэлхий дээрх амьдралыг сайжруулах, дэлхийн хүмүүс болон хойч үеийнхээ амьдралын чанарт хувь нэмэр оруулахыг хэлнэ.
Хариуцлагатай үйлдвэрлэл: Аливаа бүтээгдэхүүн, үйлчилгээг бий болгохдоо байгалийн нөөцийг ариг гамтай ашиглаж, үйлдвэрлэх, хэрэглэх явцаас үүдэн гарах экологийн ул мөр, сөрөг нөлөө, хог хаягдал, орчны бохирдлыг аль болох бага байлгаж, хойч үедээ хэрэгцээт байгалийн нөөцийг нь хангалттай үлдээхийг хэлнэ.
Экологийн ул мөр: Хүний үйл ажиллагааны нөлөө буюу бидний хэрэглээ, үйлдвэрлэж буй бүтээгдэхүүн, түүнээс гарах хог хаягдлын хэмжээг биологийн үржил шимт газар нутгийн талбайн хэмжээнд харьцуулан тооцсон үзүүлэлтийг экологийн ул мөр гэнэ.
Усны экологийн ул мөр: Хүн төрөлхтний хэрэглэсэн болон/эсвэл бохирдсон усны хэмжээгээр цэвэр ус эзэмшиж буйг илэрхийлдэг хэмжүүр юм.
Экосистем: Бүх амьд биет, түүний дотор ургамал, амьтан, организмын бие биетэйгээ болон тодорхой газар дахь агаар, шороо, нар, хөрс, уур амьсгал, уур амьсгал зэрэг элементүүдтэй харилцан үйлчлэлийг багтаасан өргөн системийг экосистем гэж нэрлэдэг.
Эко системийн үйлчилгээ: Хүн төрөлхтний байгаль, дэлхийгээсээ үнэ төлбөргүйгээр хүртэж буй үр ашиг юм.